Trent Alexander-Arnold ka qenë heroi i Liverpoolit në ndeshjen e sotme ndaj Leicesterit që, “The Reds” e fituan minimalisht 1-0.

Ai shënoi një gol të bukur për fitoren e Liverpoolit, ku tashmë skuadrës së tij i duhet vetëm edhe një tjetër triumf për t’u shpallur kampion për të 20-tën herë në Angli, shkruan Arbresh.info.

Për mosangazhimin në lojë të anësorit të Liverpoolit është shkruajtur shumë në Angli kohëve të fundit duke e lidhur me një transferim të mundshëm me Real Madridin.

Këtë situatë e ka komentuar trajneri i klubit, Arne Slot.

“Do të ishte qesharake nëse dikush pretendon në mos angazhimin e tij ndaj këtij klubi”, tha ai.

“Të gjithë titujt duhet të jenë për Arnoldin që shënoi këtë gol dhe të gjitha momentet e jashtëzakonshme që ai ka dhënë për këtë klub futbolli ndër vite”, shtoi tutje Slot.

Arnold është në fundin e kontratës me Liverpoolin dhe shumë media kanë raportuar se verës ai do të jetë lojtar i Real Madridit, por festa e tij tek goli i sotëm shtoi pikëpyetje lidhur me këtë situatë./Arbresh.info